• Trámites
• Instalacións municipais
• Programas municipais
• Emprego
• Solo Industrial
• Comercio
• FAQs

O Concello de Melide desenvolve varios programas de actividades anuais tanto para os máis cativos como para adultos. Aparte doutras iniciativas que se levan a cabo de xeito puntual en épocas específicas do ano, como o Nadal ou os meses de verán, os programas que meirande número de participantes congregan son o das Escolas Deportivas e Culturais de Melide e o do Centro Social de Melide, aos que se unen as accións promovidas dende o Centro de Información á Muller (CIM) de Melide.

• Escolas Deportivas e Culturais de Melide
  

  Para os cativos ofértanse unha vintena de disciplinas con grupos de entre 15 e 20 rapaces por actividade. As Escolas Deportivas e Culturais infantís inclúen as seguintes ofertas para o curso 2016/2017:

  • Fútbol Sala Infantil
  • Fútbol Sala Biberón
  • Fútbol Sala Prebenxamín
  • Fútbol Sala Alevín
  • Patinaxe Artístico I
  • Patinaxe Artístico II
  • Teatro
  • Danza Moderna I
  • Danza Moderna II
  • Ballet I
  • Ballet II
  • Ballet III
  • Pintura I
  • Pintura II
  • Fotografía I e II
  • Gaita
  • Percusión
  • Acordeón
  • Baile Galego
  • Pandeireta
  
  No caso das Escolas Deportivas e Culturais para adultos, as actividades ofertadas para o curso 2016/17 son as seguintes:
  
  
  • Fotografía I e II
  • Corte e Confección
  • Pintura
  • Gaita
  • Percusión
  • Acordeón
  • Ximnasia no rural (nas parroquias de Maceda, Campos, Furelos e Orois)

  As actividades, a excepción da ximnasia no rural, desenvólvense en distintas instalacións municipais coma o pavillón municipal, o edificio multiusos, o CEIP A Martagona, ou o telecentro de luns a venres en horario de tarde. As Escolas Deportivas e Culturais, que normalmente comezan en outubro e se estenden ata xuño, contan con arredor de 600 persoas inscritas, entre nenos e adultos, o que denota o grande interese que hai por este tipo de programas municipais.

  
  
• Programas do Centro Social de Melide
  

  No Centro Social de Melide, realizanse anualmente un sinfín de actividades que son moi ben acollidas por parte de todos os socios/as coas que conta o centro. Entre ditas actividades atópanse as seguintes:

  • Ximnasia de mantemento
  • Obradoiros de memoria
  • Obradoiros de cestería, pintura, calceta, etc.
  • Cursos de bailes de salón e sesións de confraternización
  • Viaxes e excursións
  • Cursos de informática, manualidades e primeiros auxilios
  • Xogos de mesa e campionatos

  Son moitas e variadas as actividades, salientando a de Bule con Alcer. Trátase dunha ximnasia terapéutica, adaptada a cada patoloxía concreta e que se realiza durante un ano, tres días á semana, un deles na piscina. O número de participantes é moi alto, sendo Melide o que encabeza o listado de usuarios e usuarias deste programa dentro da provincia da Coruña. O total de participación é dun centenar de asistentes repartidos en catro grupos de luns a venres. Son moitas as persoas que asisten a esta actividade coma forma de mellora da calidade de vida dos asistentes.
  
  Ademais, ofrécense tamén outras actividades de carácter anual coma a Xuntanza de Maiores, que se desenvolve a principios do mes de maio. Nela, todos os socios e socias e familiares do centro, poden gozar dunha xornada de encontro con baile e degustando produtos típicos galegos, co fin de disfrutar dun día de encontros e intercambio de vivencias entre todos os socios e socias do centro.
  
  Outra das actividades con máis éxito no centro e que acolle grande cantidade de asistentes de toda Galicia é o Certame de Miss e Míster Galicia. Trátase dun evento organizado o segundo domingo de xuño, onde o glamur, a elegancia, ou a simpatía, entre outros aspectos, dos nosos maiores se deixan ver enriba da pasarela que se localiza no Cantón de San Roque da vila.

  
  
• Programas do CIM
  

  Dende o Centro de Información á Muller (CIM) de Melide tamén se levan a cabo numerosas actividades durante todo o ano en materia de Igualdade e conciliación, entre as que cómpre salientar as seguintes:

  • Programa de fomento da conciliación da vida persoal, laboral e familiar
  • Programa de prevención e tratamento integral da violencia de xénero
  • Programa de actividades para fomentar a igualdade entre xéneros
  • Cursos de alfabetización básica para persoas en situación de risco de exclusión