É o colexio máis antigo de Melide e o único do concello que conta con servizo de comedor. Está situado a carón do Edificio Multiusos. Para coñecer máis detalles podes ir ao sitio web desde centro educativo: http://www.edu.xunta.gal/centros/ceipnumero1melide/

Foi o segundo colexio que se construíu en Melide, a comezos dos anos oitenta. Atópase situado a carón da escola infantil, e do pavillón polideportivo municipal.

O colexio máis novo de Melide chamouse nun primeiro momento Colexio nº 3, e posteriormente recibiu o nome de Pastor Barral, en lembranza deste mestre melidense.

O Instituto de Ensinanza Secundaria de Melide é un dos máis dinámicos do interior do país. Pode coñecer toda a actividade que xera este centro educativo a través da súa propia web (http://www.edu.xunta.gal/centros/iesmelide/) na que se define como o instituto ao que acoden os alumnos e alumnas dunha das comarcas galegas máis e mellor definidas a nivel natural, económico e cultural: a Terra de Melide.

O Conservatorio de Música de Grao Medio de Melide conta con 17 aulas na que imparten clase catorce profesores e profesoras. As 11 disciplinas impartidas son as seguintes:

• Canto
• Viola e piano
• Violonchelo
• Frauta e Composición
• Percusión
• Clarinete
• Acordeón
• Piano
• Contrabaixo
• Trombón
• Trompeta