O Viveiro de Empresas do Concello de Melide ubícase no Edificio Multiusos sito na Praza das Universidades s/n - 15800 Melide (A Coruña). Conta cunha superficie total útil de 241,01 m2 e dispón de 5 despachos, un aula de formación con capacidade para 21 alumnos, zona de descanso, aseos e zonas comúns incluíndo mantemento, limpeza de zonas comúns, luz e internet. https://goo.gl/maps/FJEEAdoFyem. HORARIO: Aínda por confirmar

• Cales son os obxectivos do Viveiro de Empresas de Melide?.
  O Viveiro de empresas ten como finalidade contribuir á creación e funcionamento de iniciativas económicas que potencien e diversifiquen o tecido empresarial de Melide e da comarca, xerando riqueza e emprego na localidade. Fundamentase en ofrecer, a través dun réxime de cesión de uso temporal, un espazo físico equipado para o funcionamento do negocio e unhas instalacións comúns.
  
  
• Quen se pode beneficiar?.
  • Empresas novas que comecen a súa actividade no Viveiro de Empresas.
  • Empresas de recente creación. Empresas xa existentes cunha antigüidade máxima do negocio de 24 meses dende o inicio da actividade.
  • Emprendedores que necesiten un espazo adecuado para estudar e preparar o seu proxecto.
  
  
• Que outros servizos se ofrecen no Viveiro de Empresas de Melide?.
  • Tutelaxe dos proxectos acollidos no Viveiro.
  • Servizos de asesoramento e formación.
  • Estudo e análise dos proxectos.
  • Asesoría xurídica, fiscal e laboral.

A OMIC de Melide asesora aos consumidores e usuarios de servizos públicos sobre os seus dereitos. Nesta oficina o consumidor atopará os seguintes servizos:

• Atención personalizada de consultas.
• Análise e tramitación de denuncias, queixas e reclamacións.
• Mediación entre as partes para a resolución de determinados conflitos.
• Campañas de información e orientación ao consumidor.