- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
O Concello de Melide solicítalle ao Sergas cobertura pediátrica durante o período estival
30/07/2021. A ausencia de pediatra obriga a veciños e visitantes a desprazarse a outros concellos.
O Concello de Melide vén de remitirlle un escrito á Consellería de Sanidade no que solicita cobertura pediátrica durante a ausencia do pediatra titular.
Durante o período vacacional do pediatra titular, os vecinos e veciñas de Melide non teñen cobertura dun servizo indispensable como é o de pediatría, polo que vense na obriga de desprazarse a concellos como o de Arzúa ou O Pino.
A problemática existente, que se vén manifestando de forma reiterada nos últimos anos, é incomprensible tanto polo feito de terse que desprazar como polo tempo de agarda que deben esperar os pacientes para ser atendidos.
O equipo de goberno local considera que a problemática existente debe ser solucionada con carácter urxente, xa que a sanidade pública é un servizo imprescindible, básico e necesario para o benestar dos nosos veciños.
