Concello de Melide

Novas

Melide conta cunha APP móbil con multitude de servizos e trámites en liña.

23/04/2021. A APP móbil do Concello de Melide pódese descargar de xeito totalmente gratuíto desde o Google Play (Android) ou desde a APP store (IOS).

MELIDE 23 de abril de 2021.- O Concello de Melide implementou unha APP móbil, dispoñible para dispositivos Android e IOS que permite acceder dun xeito doado e simplificado a multitude de servizos e trámites que pode facer a cidadanía.

Entre as seccións dispoñibles permite coñecer as últimas novas municipais, a axenda de eventos e actividades, directorio telefónico, información do tempo, xestión de citas previas, entre outras.

Especial importancia e utilidade presenta a sección de incidencias, permitindo aos usuarios dar aviso de incidencias sobre auga, alumeado público, animais e pragas, lixo e limpeza viaria, tráfico e espazos públicos. Unha vez rexistrada a mesma, e de xeito automatizado, o sistema envía o aviso ao departamento municipal correspondente para a súa resolución.

A maiores a APP inclúe unha sección de Ocio na que se se inclúe información sobre Que ver?, Onde durmir? Onde comer? e as principais festas.

Desde o Concello de Melide convídase á cidadanía e visitantes a descargar e empregar esta ferramenta, de moita utilidade e con moitos recursos accesibles dun xeito doado desde un teléfono smartphone.