- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
Trala solicitude realizada polo Concello de Melide, a Área Sanitaria de Santiago e Barbanza realizará un cribado poboacional no noso Concello.
02/02/2021. O cribado realizarase no Centro de Saúde de Melide os días 5 e 6 de febreiro.
O pasado 26 de xaneiro, o Concello de Melide solicitoulle ao Sergas a realización dun cribado poboacional en Melide, debido ao incremento dos casos positivos nas últimas semanas e ao consideralo moi beneficioso para detectar posibles casos asintomáticos, podendo así determinar a incidencia real da pandemia no noso concello.
Segundo a información recibida na tarde de hoxe da Área Sanitaria de Santiago e Barbanza, o cribado, que terá lugar no Centro de Saúde de Melide, iniciarase na tarde do venres, día 5, e finalizará a última hora do sábado 6 de febreiro.
Segúndo indican, “realizarase unha mostra aleatoria a 1700 cidadáns de entre 31 e 50 anos que serán citados a través de SMS”.
Desde o Concello de Melide queremos facer un chamamento a participación, ao ser altamente beneficiosa, para detectar posibles casos asintomáticos e ser coñecedores da incidencia real existente na actualidade.
