Concello de Melide

Novas

O Concello recorda á veciñanza a obrigatoriedade de manter limpas as fincas

01/07/2020. O Concello de Melide recorda a través dun bando e tamén nas súas redes sociais a obrigatoriedade que teñen os veciños e veciñas da vila de manter as súas fincas e terreos limpos de maleza. O prazo remata o próximo 16 de xullo

MELIDE 1 de xullo de 2020.- O Concello de Melide vén de publicar un bando no que se insta á veciñanza a manter limpas as súas fincas de maleza de cara a época estival.

Na información que ofrece a institución local explícase que os propietarios de terreos e parcelas teñen a obriga de manteñlos en condicións de seguranza, salubridade e ornato público, así como de realizar os traballos e obras precisas para conservalos en boas condicións.

As sancións por incumprimento van dende as leves cunha cantidade de 100 a 1000 euros, as graves de 1001 euros a 100.000 euros e as infraccións moi graves de 100.001 euros a un millón de euros.

O prazo para poder realizar estes traballos de adecentamento de solares mantense ata o 16 de xullo, momento no cal, de non estar realizados estes traballos comezarán a aplicarse as sancións económicas.