- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
Os nenos e nenas da Escola Infantil disfrázanse de bonecos de neve
01/03/2019. Xornada distinta e moi colorida na Escola Infantil Municipal onde os nenos e as nenas disfrazáronse para dar a benvida ao Entroido. Os disfraces foron elaborados polos propios rapaces coa axuda das súas mestras e coidadoras
MELIDE 1 de marzo de 2019.- Un ano máis, a Escola Infantil Municipal deu a benvida ao Entroido. Este ano, o disfraz elixido foi o de boneco de neve. As vestimentas dos máis cativos foron elaboradas por eles mesmos xunto coa axuda das súas mestras e coidadoras.
A maiores da vestimenta, os máis cativos e cativas acudiron hoxe á instalación con roupa e complementos de inverno que lle deron un toque máis colorido e realista aos seus disfraces. Ao longo da mañá o alumnado gozou do Entroido na compaña dos seus iguais. O disfrace elaborado manualmente na Escola será entregado ás familias para poder volver a reutilizalo en sucesivos acontecementos entroideiros que se levarán a cabo na vila nos sucesivos días.
