- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
Masiva asistencia á San Silvestre melidense, organizada polo clube deportivo A.D. Cerne
03/01/2017. As rúas do casco vello enchéronse de corredores de todas as idades que se sumaron a esta iniciativa solidaria co fin de recoller alimentos que foron posteriormente doados a Cáritas Parroquial Melide.
A San Silvestre melidense é xa unha cita tradicional do último día do ano. Desta vez a asociación organizadora brindou esta carreira a unha causa solidaria, a recollida de alimentos para aqueles que máis o necesitan, contribuíndo a engrosar a despensa, nunca suficiente, de Cáritas Parroquial Melide, quen foi a encargada de recoller os alimentos recolectados.
A iniciativa suma cada ano máis adeptos, sendo a edición adulta e a edición enfocada aos máis cativos, menores de dez anos, progresivamente máis numerosa, dada a gran aceptación que ten na vila tanto calquera tipo de iniciativa solidaria como o que é a propia carreira polas rúas do casco antigo de Melide.
