Concello de Melide

Novas

Pinto da Costa e Paula Mayobre, gañadores da Media Maratón Os 21 do Camiño

18/06/2018. Un ano máis, Melide e Palas de Rei acolleron a Media Maratón Os 21 do Camiño que une ámbolos dous municipios polo treito do Camiño de Santiago. 750 participantes realizaron un percorrido que catalogaron de dificultade media alta

~~MELIDE 18 de xuño de 2018.- O portugués Nuno Filipe Pinto da Costa, foi o gañador da Media Maratón Os 21 do Camiño, Media Maratón que une Palas de Rei e Melide cun tempo de 1 hora 9 minutos e 54 segundos. A victoria na categoría feminina foi para Paula Mayobre González, cun tempo de 1 hora 38 minutos e 44 segundos, que entrou no oitavo posto a case nove minutos do vencedor absoluto da carreira.
Na categoría masculina no segundo posto, entraba na meta Akka Essaadaoui cun tempo de 1 hora 14 minutos e 27 segundos. O terceiro posto foi para o veciño melidense Anxo Varela Castro, e o cuarto para José Ramón Sánchez Quintela.
Na categoría feminina o primeiro posto foi para Paula Mayobre, o segundo para María Jesús Gestido e o terceiro para Yolanda Campos.
En canto aos campións locais, no apartado masculino, o primeiro en chegar á meta foi Óscar Lugrís Beteta, a segunda posición para Jose Penas Varela e a terceira para David Pájaro Varela. No terreo feminino, a primeira muller da localidade en chegar á meta foi Lydia Rodríguez, o segundo posto para Lupe Buján e o terceiro para Mónica Vázquez.
A alcaldesa de Melide, Dalia García, acompañada do seu equipo de gobernó foron os encargados de entregar os premios en meta, situada no Cantón de San Roque onde foron moitos os veciños e veciñas que se achegaron ata este emprazamento para vivir os últimos minutos das carreiras dos participantes.