- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
Máis novas do Concello de Melide
Inauguración do Viveiro de Empresas de Melide o vindeiro
mércores 26 de outubro
20/10/2016. Nesta xornada contará coa presenza dos
directivos da Cámara de Comercio de Santiago de Compostela, ao acto están
tamén convidados todos os alcaldes da comarca, recordando por parte do
Concello que dita infraestrutura actuará de antena cameral.
O vindeiro mércores día 26 de outubro o Concello de Melide inaugurará
oficialmente o viveiro de empresas cuxo investimento se executou con cargo a
fondos europeos en colaboración coa Cámara de Comercio de Santiago de
Compostela e a Fundación de apoio ao empredemento Incyde. Ao acto de
inauguración asistirán o Presidente de Cámara de Comercio de Santiago de
Compostela, a alcaldesa de Melide, Dalia García así como alcaldes e
institucións da Comarca xa que dita infraestrutura actuará como antena
cameral e dinamizadora de proxectos na comarca.
O Concello de Melide aprobou xa a ordenanza reguladora do viveiro de empresas,
un local situado no Edificio Multiusos da Vila que conta cunhas instalacións
de última xeneración para o asentamento de emprededores. A rexedorá melidá
mostrase moi satisfeita coa posta en marcha desta infraestrutura sempre da
man da cámara de Comercio de Santiago de Compostela, institución coa Melide
asinará un convenio e contará coa súa cumprida experiencia neste tema.