- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
Máis novas do Concello de Melide
Outubro cultural e teatreiro na Casa da Cultura de
Melide
15/10/2016. O Concello de Melide organiza un outubro cheo de
actividades culturais para cativos e maiores co fin de ofrecer un programa
atractivo para todas as idades. Este domingo ás 18.00 h da tarde
proxectarase o filme infantil “Free Birds” na Casa da Cultura, con entrada
de balde.
O ciclo de teatro da Asociación Cultural Charamela organizado para todos os
fins de semana do mes de outubro, o desfile de moda do comercio local, e o
ciclo de cine organizado pola concellería de cultura que dirixe Dolores
Gómez, son algunhas das opcións de ocio cultural que se barallan en Melide
para este fin de semana. Todos os domingos de outubro e o primeiro de
novembro (día seis de novembro) ás 18.00 h proxectarase filmes para público
infantil, “Free Birds” este domingo, “Aviones, Equipo de rescate” o día 23
de outubro, “Campanilla, Hadas y Piratas” día 30 e por último “Cars 2” o día
6 de novembro.
En conxunto, o ciclo de teatro da Asociación Charamela levará hoxe a cabo a
representación de “Zi muller, que somos parvas” da man do Estudio Teatro
Casa Hamlet da Coruña na Casa da Cultura da vila ás 21.00 h. Quedan para o
remate do mesmo outras dúas actuacións, “O reparto” da man do grupo O
bordelo de Cervo e por último “Se o sei…non volvo á casa” da propia
asociación. Con esta programación cultural, trátase de dar dinamismo á vila
durante os meses de outono desfrutando do bo facer das asociacións locais, e
ao mesmo tempo, ofrecer un ocio para o público infantil acorde coas
necesidades lectivas do curso escolar.