- Novas
- Axenda
- Perfil de contratante
- Convocatorias
- Avisos e bandos
- Ordenanzas
- Melide en imaxes
- Facturación electrónica
- Pago provedores
Novas
Máis novas do Concello de Melide
Melide baixa o IBI dous puntos despois da regularización
catastral do municipio
07/11/2016. O tipo impositivo do Concello melidá, a pesares
de ser un dos equilibrados da comarca, pasará a partir do un de xaneiro de
2017 a un 0,48 o que supoñerá unha rebaixa no recibo da contribución para
todos os veciños e veciñas de Melide.
O goberno local que preside a alcaldesa de Melide, Dalia García, aprobou hoxe
en pleno cos votos favorables do PSOE a modificación da ordenanza do IBI, en
dous puntos, o que supoñerá un descenso no recibo do ano 2017 neste
concepto. O concelleiro de facenda, Luis Arias, quen expuxo a proposta de
alcaldía manifestou que dado o esforzo dos veciños e veciñas de Melide ao
terse realizado a regularización catastral, o goberno local prioriza o
benestar e polo tanto propón esta baixada logo de terse regularizado un bo
número de inmobles no municipio.
No pleno da corporación deuse conta de que o tipo impositivo de Melide é un
dos máis baixos da comarca en comparación con concellos límitrofes como
Santiso, Toques ou Sobrado así como doutros concellos da misma magnitude. A
autonomía que respecto a este imposto ten o goberno local é limitada, xa que
ten delegada a súa xestión na Deputación da Coruña e so pode modificar o
tipo impositivo xa que o resto depende das leyes de catastro.
A alcaldesa de Melide recordou que supoñerá unha revisión a baixa no próximo
recibo da contribución do ano 2017 de todos os veciños e veciñas de Melide,
sendo conscientes de se trata dunha regularización obrigatoria que debería
haberse realizado fai xa dez anos. O goberno local fai unha previsión
prudente sendo prioritario para o mesmo seguir prestando servicios de
necesidade en todos e cada un dos rincóns do Concello de Melide, non
desbotando o paulatino descenso do tipo impositivo, que quedará fixado nun
0.48 aínda que a lei prevé unha orquilla máxima do 1,3 e unha mínima do 0,4.
Neste pleno, ademais se modificou a ordenanza de vehículos para adaptala ao
estipulado pola Deputación da Coruña en canto a exención dos discapacitados
así como a baixada interanual do IPC para a auga.