Concello de Melide

Novas

Melide celebra o San Cristovo coa tradicional bendición de vehículos

08/07/2019. Como é habitual coa primeira fin de semana do mes de xullo, Melide celebrou a festa do San Cristovo coa tradicional bendición de vehículos no cantón de San Roque e a comida de confraternidade entre todos os camioneiros da vila

MELIDE 8 de xullo de 2019.- O colectivo de camioneiros de Melide celebrou un ano máis a súa tradicional xuntanza coa festividade do San Cristovo. Foi o pasado sábado e na vila congregáronse centenares de participantes para gozar dun día diferente.
A xornada comezou cunha misa na explanada do campo da feira de Melide para de seguido continuar coa tradicional bendición dos vehículos no cantón de San Roque de Melide.
A comida de confraternidade, que en principio se ía celebrar na área recreativa de Furelos, cambiou de ubicación para o palacio de congresos e exposicións da vila por mor da mala previsión meteorolóxica para a tarde en Melide.